Një tjetër aksident ka ndodhur sot në Librazhd. Sipas të dhënave paraprake mësohet se aksidenti ka ndodhur në aksin Librazhd-Elbasan, në vendin e quajtur “Kthesa e Murrashit”, ku një furgon taksi me pasagjerë ka dalë nga rruga.
Nuk janë ende të qarta rrethanat e aksidentit por dyshohet se moti me reshje ka favorizuar aksidentin.
Furgoni pasi ka dalë nga rruga është përplasur me bordurat mbrojtëse të rrugës dhe fatmirësisht nuk ka rënë në rrjedhën e Shkumbinit që kalon paralel me rrugën kombëtare.
Dyshohet se ka persona të plagosur por ende e pakonfirmuar. Shërbimet e policisë ndodhen në vendngjarje.