Botimi i UET-Press: Kastriot Dervishi i përgjigjet Servet Pëllumbit për ‘Katovicën’

Para pak ditësh, gazeta Mapo riktheu pjesë nga libri ‘Përmbysja e komunizmit” me autor Servet Pëllumbin, një botim i UET-Press. Në këtë pjesë të librit, Pëllumbi flet për një nga teoritë që ka ngjallur gjithmonë shumë debat në opinionin publik: Atë të Katovicës. Por a kishte një plan të komunistëve për të ruajtur pushtetin edhe në pluralizëm? Historiani Kastriot Dervishi tregohet i ashpër në reagimin e tij ndaj këtij libri.

http://www.mapo.al/strategjia-e-katovices-i-erdhi-ramiz-alise-nga-jugosllavia/



“Katovica” e Servet Pëllumbit dhe dosja nr.30

Nga Kastriot Dervishi

Në vitin 1998 në një shtëpi në Tiranë, me nivel shumë të ulët gjuhësor u shkrua një tekst mbi gjoja strategjinë e “Katovicës” në Shqipëri, e cila pretendohej se ishte thënë nga Ramiz Alia në një mbledhje pa datë në tetor 1989. Këtë tekst fals, i dallueshëm qysh në pamje, pa origjinë, e mori përsipër ta ligjërojë Servet Pëllumbi, madje t’i japë edhe “referenca arkivore” në librin “Përmbysja e Komunizmit”. Për arsye që nuk i njoh, Pëllumbi tekstin e vitit 1998 kërkon ta paraqesë si “burim arkivor”, një gjë krejtësisht e gënjeshtërt. Është pretenduar se në vitin 1986 në Katovicë të Polonisë janë mbledhur krerët e partive komuniste të lindjes komuniste dhe aty kanë vendosur të ardhmen politike të vendeve të tyre. Deri më sot, nuk njihet asnjë e dhënë rreth kësaj mbledhje, por vetëm supozime, aq më tepër që Partia e Punës nuk kishte asnjë lidhje me partitë pjesëmarrëse. Të gjithë këta harrojnë se faktori nr.1 për ndryshimet në lindjen komuniste, ka qenë ai amerikan, i cili bëri që edhe Shqipëria, një vend ku në masën 60-70% të popullit nuk kërkonte ndryshime (prandaj enverizmi mbetet i thellë edhe në ditët tona, ndikues në të gjitha votimet që bëhen), pavarësisht dështimit spektakolar të regjimit, të përfshihej në këto ndryshime. Një ndër argumentet e përdorur në vite nga ata që e besojnë dhe pëlqejnë këtë tekst, ka qenë se çështja e pronës lidhet me këtë copë letër, në një kohë që njihet fakti se e gjithë lindja komuniste e ka zgjidhur çështjen e pronës në favor të pronarëve. Të besosh se “Katovica” qenka sajuar vetëm për çështjen e pronës në Shqipëri është vërtetë guxim i madh.
Servet Pëllumbi në librin e tij citoi shtrembër një referencë arkivore, duke bërë gabimet e një fillestari. Këtë gabim e bëjnë të gjitha ata që duan të duken studiues, por që nuk shkelin kurrë në arkiva. Ai pretendoi se të ashtuquajturin fjalim të Ramiz Alisë sipas porosive të Gorbaçovit e gjejmë në referencën AQSH, 1989, dosja nr.30. Pëllumbi nuk e ka idenë se duhet përmendur, fondi përkatës, struktura, etj, sepse në AQSH nuk ka vetëm një dosje me numër 30 të vitit 1989. Nga sa kuptohet, pretendimi i tij është për referencën AQSH, F.14/AP ou, V.1989, D.30. Kjo dosje (shih kapakun të fotografuar) i takon mbledhjeve të sekretariatit të KQ të PPSH-së dhe jo mbledhjeve të Byrosë Politike, përbëhet nga 84 fletë, përmban këto takime:
-13 tetor 1989 (data që pretendon Servet Pëllumbi), diskutim mbi vendimet e plenumit të 8-të, për kursimin e lëndës së drurit, etj.
-24 tetor 1989, diskutim mbi romanin “Thikat”.
-31 tetor 1989, diskutim mbi agrumet e ullinjtë.
-3 nëntor 1989, mbi ekonominë e propagandën.
-25 nëntor 1989, mbi nivelin e propagandës kundër revizionizmit.
-4 dhjetor 1989, roli i masave e forcimi i tyre.
-5 dhjetor 1989, drejtimet e punës së partisë.
-12 dhjetor 1989, mbi bashkimet Profesionale.
-25 dhjetor 1989, mbi furnizimin në Tiranë.
-27 dhjetor 1989, mbi rendimentin në punë.
Mbase te kursimi i lëndës drusore mund të gjejë mesazhe të “Katovicës” Servet Pëllumbi.


Fatal error: Uncaught ___C_0: (E_ERROR) Trying to access array offset on value of type bool in /home/gazetamapo/public_html/wp-includes/js/tinymce/skins/wordpress/images/formatting.config:252 Stack trace: #0 /home/gazetamapo/public_html/wp-content/themes/mapo/class/Module/Block/Block_9_View.php(13): ___C_5->_errorHandler(2, 'Trying to acces...', '/home/gazetamap...', 13) #1 /home/gazetamapo/public_html/wp-content/themes/mapo/class/Module/Block/Block_9_View.php(17): JNews\Module\Block\Block_9_View->get_demo_style() #2 /home/gazetamapo/public_html/wp-content/themes/mapo/class/Module/Block/Block_9_View.php(74): JNews\Module\Block\Block_9_View->get_image_size() #3 /home/gazetamapo/public_html/wp-content/themes/mapo/class/Module/Block/Block_9_View.php(63): JNews\Module\Block\Block_9_View->build_column(Array, 'jeg_col_2o3') #4 /home/gazetamapo/public_html/wp-content/themes/mapo/class/Module/Block/Block_9_View.php(47): JNews\Module\Block\Block_9_View->render_column(Array, 'jeg_col_2o3') #5 /home/gazetamapo/public_html/wp-content/themes/mapo/class/Module/Block/BlockViewAbstract.php(17): JNews\Module\Block\Block_9_View->render_output(Array, 'jeg_col_2o3') #6 /home/gazetamapo/public_html/wp-content/themes/mapo/class/Module/ModuleViewAbstract.php(165): JNews\Module\Block\BlockViewAbstract->render_module(Array, 'jeg_col_2o3') #7 /home/gazetamapo/public_html/wp-content/themes/mapo/class/Single/SinglePost.php(1265): JNews\Module\ModuleViewAbstract->build_module(Array) #8 /home/gazetamapo/public_html/wp-content/themes/mapo/class/Single/SinglePost.php(205): JNews\Single\SinglePost->related_post(false) #9 /home/gazetamapo/public_html/wp-includes/class-wp-hook.php(307): JNews\Single\SinglePost->related_post_hook('') #10 /home/gazetamapo/public_html/wp-includes/class-wp-hook.php(331): WP_Hook->apply_filters(NULL, Array) #11 /home/gazetamapo/public_html/wp-includes/plugin.php(474): WP_Hook->do_action(Array) #12 /home/gazetamapo/public_html/wp-content/themes/mapo/fragment/post/single-post-1.php(66): do_action('jnews_single_po...') #13 /home/gazetamapo/public_html/wp-includes/template.php(772): require('/home/gazetamap...') #14 /home/gazetamapo/public_html/wp-includes/template.php(716): load_template('/home/gazetamap...', false, Array) #15 /home/gazetamapo/public_html/wp-includes/general-template.php(204): locate_template(Array, true, false, Array) #16 /home/gazetamapo/public_html/wp-content/themes/mapo/single.php(16): get_template_part('fragment/post/s...') #17 /home/gazetamapo/public_html/wp-includes/template-loader.php(106): include('/home/gazetamap...') #18 /home/gazetamapo/public_html/wp-blog-header.php(19): require_once('/home/gazetamap...') #19 /home/gazetamapo/public_html/index.php(17): require('/home/gazetamap...') #20 {main} thrown in /home/gazetamapo/public_html/wp-includes/js/tinymce/skins/wordpress/images/formatting.config on line 252