Në lidhje me paraqitjet e Skënderbeut në kampionat, pas marrjes së titullit kampion, gazetari Gëzim Sinemati, në “Procesin Sportiv” është shprehur se korçarët nuk duhet të mendonin për t’u bërë ndere ekipeve të tjera, por të aktivizonin lojtarët e rinj dhe të luanin siç duhet.
Në këtë temë, ka ndërhyrë edhe Bledi Shkëmbi, i ftuar në emisionin “Procesi Sportiv”.
Debati:
Sinemati: Skënderbeu një herë hap këmbët dhe një herë mbyll këmbët.
Shkëmbi: Skënderbeu luajti pa titullarët. Pa titullarët, Skënderbeu nuk është aq i fortë.
Sinemati: Skënderbeu të mos e kishte mendjen t’u bënte ndere ekipeve të tjera, por të aktivizonte të rinjtë.
Shkëmbi: Po, ia dhanë shansin dhe më pas ata nuk luajtën aq mirë në sfidat e fundit.
Sinemati: Vetë presidenti Ishte në stadium, kur Skënderbeu pësoi 5 gola.
Shkëmbi: Çfarë faj ka presidenti i FSHF-së që Skënderbeu aktivizon lojtarët e stolit?
Sinemati: Jo, nuk ka faj as Takaj as Daja, por sistemi. Ai rri e shikon atje lart se çfarë ndodh në fushë dhe më pas shkon e jep medaljet e ikën.