Avokati Spartak Ngjela në studion e “Open” argumenton se asnjë prej palëve politike nuk e do protestën studentore. Sipas tij opozita u përpoq që të përfitojë politikisht nga protesta e studentëve, duke e dëmtuar atë.
Pasi, siç thotë avokati Ngjela, edhe Rama e dëshironte një gjë të tillë, për ta përdorur si alibi që studentët janë pjesë e PD-LSI.
Duke folur për thyerjen e bojkotit parlamentar, Ngjela shprehet se ajo është një metodë komuniste e dështuar.
“Bojkoti nuk vlen më. Është një metodë komuniste që dështoi me komunistët. Të parët e bënë komunistët italianë, por e panë që nuk funksionote se beteja është në Kuvend”,- tha Ngjela.