Dy pjesëtarë të Forcës Tokësore janë bërë prindër për herë të parë. Çifti i ushtarakëve, major Altin Hazizi (komando) dhe tetare Elona Qorri, pjesë e Kompanisë Mbështetëse, janë gëzuar me një vajzë, emri i të cilës është Mia.
Në gëzimin e tyre mori pjesë edhe ministrja e Mbrojtjes, Olta Xhaçka e cila vizitoi nënën e re, në maternitetin “Koço Gliozheni”. Ministrja Xhaçka i uroi të dy prindërit e rinj për fëmijën e parë. “Pastë jetën e gjatë dhe të lumtur!” – u shpreh ministrja Xhaçka. Fëmija e parë e dy pjesëtarëve të Forcës Tokësore erdhi në jetë në orët e para të datës 16 tetor dhe peshon 3.6 kg. Ajo gëzon shëndet të plotë bashkë me nënën.