Tensione mes policisë dhe banorëve ka pasur ditën e sotme në zonën e Laprakës. Punonjës të IKMT-së kanë nisur shembjet e banesave, të cilat preken nga zbatimi i projektit të Unazës së Madhe.
Banorët thonë se nuk janë njoftuar për shembjet e banesave. Në vendngjarje ndodhen dhe deputetë të opozitës në mbështetje të banorëve.
Familja e Bajram Nelës në zonën e Laprakës ka vendosur që të ngujohet brenda shtëpisë në mënyrë që të shmangë prishjen e godinës së tyre.
Ata janë konfliktuar me punonjësit e policisë, të cilët kanë qenë të shumtë në numër, duke hyrë brenda shtëpisë së tyre. Brenda dhomës janë të gjithë familjarët mes tyre dhe fëmijë.