Një 70-vjeçar është vendosur në pranga, pasi u premtonte qytetarëve të Ballshit vende pune duke i marrë shuma të konsiderueshme parash.
Bëhet fjalë për të identifikuarin me inicialet H.Sh., banues në Thumanë, Krujë, i proceduar më parë dy herë për të njëjtën vepër penale ( “Mashtrimi”).
Gjatë kontrollit në banesën e tij të marrë me qira në Ballsh, janë gjetur dhe sekuestruar në cilësinë e provës materiale një sasi parash, dokumente të ndryshme me emrat e personave të mashtruar, fotokopje të mjeteve të tyre të identifikimit dhe kontrata materiale me shuma që varionin nga 1 400 euro-10 000 euro.
H.Sh. rezultoi pas veprimeve të para hetimore se ka mashtruar shumë persona në qytetin e Ballshit, me të njëjtat pretendime.
Materialet procedurale i kaluan Prokurorisë pranë Gjykatës së Shkallës së Parë Fier, për veprime të mëtejshme.
