Aranit Muraçi
Përtej shkaqeve të tjera, historia ka treguar se luftërat përgjithësisht janë zhvilluar dhe zhvillohen për influencë në zonat e pasura ekonomike. Më i forti imponon të dobëtin, për t’i kontrolluar pasurinë apo resurset dhe kur ai nuk i bindet, vihet forca në funksion.
Pas pushtimit ukrainas, Moska kontrollon 63% të depozitave të qymyrit të Ukrainës, 11% të naftës së saj, 20% të gazit natyror, 42% të metaleve dhe 33% të tokës së saj të pasur.Rusia aktualisht kontrollon burimet kryesore natyrore të Ukrainës, që kapin vlerën e të paktën 12.4 trilion dollarësh, duke përfshirë energjinë dhe depozitat minerale, sipas një analize nga “Secdev” për “The Washington Post”.
Nëse Kremlini arrin të aneksojë tokën ukrainase të konfiskuar gjatë pushtimit të Rusisë, Kievi do të humbiste pothuajse dy të tretat e depozitave të tij, thuhet në raport, ose do të mbetej pa shtyllat kryesore të ekonomisë. Bazuar në rishikimin e 2209 depozitave nga “SecDev”, Moska kontrollon 63% të qymyrit të Ukrainës, 11% të naftës së saj, 20% të gazit natyror, 42% të metaleve dhe 33% të tokave të rralla e të pasura me minerale, duke përfshirë mineralet kryesore si litiumi.
Një pjesë e tyre u kap gjatë marrjes së Krimesë nga rusët në vitin 2014, ose gjatë luftës me separatistët e mbështetur nga Rusia në Ukrainën lindore. Por që nga fillimi i pushtimit të saj në shkurt, Rusia ka rritur në mënyrë të qëndrueshme përparimin e saj në Ukrainë, duke kapërcyer bastionet ekonomike të saj. Duke iu referuar raportit rreth industrisë ukrainase, publikuar në Washington Post, Rusia ka kapur 41 fusha qymyrguri, 27 burime të gazit natyror, 14 zona propan, nëntë fusha nafte, gjashtë depozita xehe hekuri, si dhe disa zona për titan, zirkon, stroncium, litium, uranium dhe ar.
Ndërsa Ukraina njihet si eksportuesi kryesor i drithërave, raporti thotë se ajo posedon gjithashtu 117 nga 120 mineralet dhe metalet më të përdorura, sikurse shërben gjithashtu si një burim kryesor i lëndëve djegëse fosile. Ukraina ka ende kontroll mbi shumicën e rezervave të saj të naftës dhe gazit. Por pjesa dërrmuese e pasurisë së saj të burimeve natyrore që është nën kontrollin e Kremlinit përbëhet nga depozitat e qymyrit. SecDev vlerësoi se rreth 30 miliardë tonë depozita të qymyrit me vlerë 11.9 trilionë dollarë të Ukrainës janë në pjesët e kontrolluara nga Rusia.
Zelenskyy thotë se lufta në Ukrainë e zgjoi Evropën “të dobët, të përçarë, pasive dhe të përgjumur”. /Liberale.al/
