Kryedemokrati Lulzim Basha e konsideron ish-presidentin kosovar, Ibrahim Rugova, yll polar për të ardhmen e Kosovës.
Në kuadër të 15-vjetorit të vdekjes, Basha shkruan në Facebook se Rugova mbetet shembull i europianizimit dhe i Europës moderne.
Postimi i kryetarit të PD-së, Lulzim Basha:
Ibrahim Rugova, shqiptari që udhëhoqi lëvizjen më të madhe paqësore në Europën moderne vijon të mbetet një shembull i europianizmit dhe i Europës moderne. Projekti i tij i qartë për Kosovën e lirë dhe të pavarur në miqësi me Shtetet e Bashkuara dhe anëtare e Bashkimi Europian duhet të vijojë të mbetet yll polar për politikën e sotme dhe të ardhmen e Kosovës. Si një shenjë maturimi dhe përmbushje asaj për të cilën lideri historik i Kosovës punoi dhe u përpoq çdo ditë.
