Aktualitet

’16 mijë humbje jete’/ Replika Manastirliu-Basha: Po hidhni vallen e vdekjes














Bëni LIKE faqen zyrtare në Facebook
               Publikuar në : 13:15 - 07/10/21 |
mapo.al

Lideri i opozitës, Lulzim Basha dhe ministrja e Shëndetësisë, Ogerta Manastirliu u përfshinë nga replikat në Kuvend, gjatë diskutimeve të seancës plenare. 






Kryedemokrati ngriti edhe një herë tjetër akuza të forta ndaj qeverisë për mashtrim me numrin e vdekjeve nga koronavirusi.


Basha u shpreh se një vit më parë kanë humbur jetën 16 mijë persona më shumë se mesatarja e viteve të kaluara.







“Është diskutuar në komision këto ditë për vaksinimin dhe diferencën mes shifrave të raportuara nga qeveria dhe ato të raportuara nga institucionet ndërkombëtare. Ajo që thuhet nuk bëhet. Kjo nuk është hera e parë që ndodh dhe as hera e parë që gënjejnë me pandeminë. Kanë gënjyer për ndihmën ekonomike, për rimbursimin e të prekurve nga Covid-19, por mbi të gjitha kanë gënjyer për numrin e jetëve të humbura.




Deri para 6 muajsh, ishin 16 mijë prindër, nëna, baballarë, që dergjen në vendprehjet e qyteteve, fshatrave. 16 mijë më shumë se mesatarja e viteve të kaluara dhe jo shifra të raportuara nga qeveria e rrenave. Këtë e konfirmon edhe raporti i Komisionit Europian, ku njoftohet se Shqipëria ka shtesën më të lartë të vdekjeve në Europë për vitin 2020. Të dielën që shkoi deklaroi se do t’ia dalim siç ia dolëm, ajo shprehje tingëlloi si një shuplakë për fytyrën e qytetarëve”, u shpreh Lulzim Basha.

Lexo edhe :  Bota në alarm nga variati i ri i COVID, mjeku i shqetësuar: Pas 3 javësh...


Sipas shifrave të raportuara nga Ministria e Shëndetësisë, deri tani, nga koronavirusi në Shqipëri kanë humbur jetën 2734 persona.

Manastirliu
Ministrja e Shëndetësisë dhe Mbrojtjes Sociale, Ogerta Manastirliu i është përgjigjur akuzave të kreut të PD, Lulzim Basha duke thënë se keni 18 muaj që hiqni vallen e vdekjes.

“E keni kthyer vdekjen në refren. Keni kohë tashmë 18 muaj që hiqni vallen e vdekjes. Nuk e kuptoj përse këmbëngulni me kaq kënaqësi në retorikën e vdekjes. Akuzat shterpë nuk mund të jenë fakte ashtu sikurse shifrat nuk mund të jenë opinione”, ka replikuar Manastirliu.

Në replikën e saj Manastirliu tha se Shqipëria ja ka dalë edhe ndërkombëtarisht të menaxhojë këtë fatkeqësi.

“Shqipëria ja ka dalë edhe ndërkombëtarisht që t’i fitojë betejat e vështira të një kohe shumë të vështirë siç është pandemia e Covid19. Loja me të vdekurit është një avaz i vjetër i kësaj politike shterpë pa din e pa iman”, tha Manastirliu.

Ministrja e Shëndetësisë i ka bërë sërish thirrje opozitës për të qenë të bashkuar në përballimin e situatës së epidemisë në vend.

1


Etiketa: , , , , ,

CLOSE
CLOSE
Pas