Ka nisur në Gjykatën e Tiranës seanca për masën e sigurisë ndaj 16 protestuesve të opozitës së bashkuar pas pjesëmarrjes në protestën para Kryeministrisë të shtunën ku u dëmtuan dy vepra arti. Të arrestuarit do të dalin para gjyqtares Rexhina Mlika e cila do të japë vendimin për secilin prej tyre, të vënë në akuza për katër vepra penale, kundërshtim të policisë, dëmtim prone me dashje, protestë pa leje dhe prishje të qetësisë publike.
Në mesin e të arrestuarve janë edhe Florenc Hoxha, ish-kryetar i Policisë Bashkiake të Tiranës. Ashtu siç i mbështetën që në momentin e arrestimit në polici, edhe këtë të martë, deputetët e Partisë Demokratike kanë shkuar jashtë Gjykatës për të shfaqur mbështetje ndaj të arrestuarve, militantë dhe mbështetës të kësaj force politike.
Mësohet se janë 10 deputetë të PD-së që kërkojnë lirimin e të arrestuarve, pasi siç edhe më herët janë shprehur, dhunën në protestë e kanë quajtur të orkestruar nga kryeministri Edi Rama. Vlen të theksohet se para Gjykatës së Tiranës nuk është i pranishëm asnjë prej deputetëve të LSI, edhe pse ishin pjesë e protestës të shtunën. Edhe pse ka nisur hetimi ndaj protestuesve për shkak se dëmtuan markizën dhe kërpudhën.
16 protestuesit e ndaluar
Florenc Hoxha, Emnauel Nallbani, Naim Haxhiu, Andon Gjini, Resul Daci, Suzana Dimushi, David Linati, Hasan Jakupi, Ilir Hamedini, Festim Taku, Sajmir Rexhepi, Mitat Fieraku, Lefter Jakupi, Pellumb Sheluka, Veljan Dine, Ndue Tuci.
/Gazeta Mapo/