Kryeministri Edi Rama ka përkujtuar ndarjen nga jeta të ish-presidentit të Kosovës, Ibrahim Rugova.
Në një postimnë rrjetet sociale, Rama e quan Rugovën udhëheqësin më atipik dhe të shquar të historisë sonë.
“Në këtë ditë të ngarkuar emocionale të vitit, kujtojmë edhe njeriun e madh të historisë së Kosovës, udhëheqësin më atipik ndër të shquarit e historisë sonë, presidentin e parë të shtetit tjetër të pavarur të shqiptarëve, Ibrahim Rugovën, i cili u nda nga jeta sot e 16 vjet më parë, por në çdo vit që kalon ylli i tij rritet në qiellin e kujtesës sonë kombëtare.”
Ibrahim Rugova u nda nga jeta në janar të vitit 2006, pas një sëmundjeje të rëndë në mushkëri.
