Aktualitet

18 Dhjetori- Koha për t’u ndarë nga mendësia politike e të shkuarës














Bëni LIKE faqen zyrtare në Facebook
               Publikuar në : 07:57 - 03/12/21 |
mapo.al

Kryedemokrati Lulzim Basha ka treguar për herë të parë në emisionin “Real Story”, arsyet se përse dërguan në vendimin për pezullimin e ish-kryeministrit Sali Berisha nga grupi parlamentar.






Ai ka thënë se ka shpenzuar tre muaj, për të gjetur arsyet e shkaqet që dërguan SHBA në marrjen e këtij vendimi. Sipas Bashës, shpallja ‘non grata’, finalizohet nga Sekretari i Shtetit, duke marrë parasysh informacione të siguruara nga agjenci jashtë qeverisë.


“S’mund të ketë kult ambasadorësh. Është detyra jo vetëm e kryetarit të opozitës, por çdo qytetari shqiptar që të ngrihet në këmbë për të mirën kombëtare. S’bëhet fjalë për një vendim të një ambasadori, por të qeverisë amerikane. Një proces prej tre muajsh, ku kam investuar të gjithë energjisë, kapitalin politik e personal timin për të gjetur një zgjidhje të pranueshme për zotin Berisha dhe mbi të gjitha sa i takon interesave të PD. Shpallja ‘non grata’ nuk është proces që niset nga DASH, është proces që finalizohet nga Sekretari i Shtetit, i cili sipas informacioneve të përcjella në rrugë zyrtare ka pothuajse zero diskrecion, në rast se informacioni i mbledhur prej vitesh buron nga agjencitë e ndryshme të ligjzbatimit dhe të informacionit. Kjo ka çuar në një vendim ‘non grata’.







E dyta, nuk është dënim, por shpallje ‘non grata’. Është kerkuar distancimi i PD nga Sali Berisha. Edhe largimi i tij nga parlamenti. Vendimi im ka qenë pezullimi nga grupi parlamentar deri në përfundim të hetimit. Vetë zoti Berisha është zotuar se nuk do e përfshinte PD në këtë çështje”, tha Basha.

Lexo edhe :  Basha: Në tre vjet, 1.6 miliardë euro të pastruara në ndërtime pallatesh



Kreu i PD ka shprehur vendosmërinë se do të ketë një Kuvend. Ai me 18 Dhjetor. Po ashtu, ai ka folur për një moment ndarjeje me një lloj mendësie politike që vjen nga e shkuara.



“Të jeni të sigurt që PD dhe unë jemi të gatshëm t’i përgjigjemi çdo situate që sfidon vullnetin e demokratëve. 18 dhjetori ka ardhur si përgjigje ndaj atyre demokratëve që duan një parti të bashkuar, të bazuar te statuti, që është kultura e dialogut. Nuk kam konflikt me Sali Berishën, ai ka gjetur sebepin për konflikt me mua. Unë s’kam probleme me të. Logjika përjashtuese, linçuese, demagogjia e pa fre, është një moment i artë për t’u ndarë nga kjo mendësi. Jemi ndarë nga komunizmi, por jo nga mendësia komuniste. 18 dhjetori, është i vetmi Kuvend i PD. Është legjitim dhe mundësia e artë për të gjithë, përfshirë edhe ata që kanë mendime ndryshe, për të ardhur e për t’u shprehur për dialog. Ka një PD, ka shumë mendime ndryshe, por një Kuvend legjitim ku do të merren vendime për demokratët”, tha Basha.

15


Etiketa: , , , , , ,

Pas