Pesë mjekë dhe 5 infermierë, personel i spitalit të Traumës, janë vetëkarantinuar sot, pasi kanë pasur kontakte me një pacient që rezultoi se ishte i prekur nga Covid-19.
Pacienti që rezultoi pozitiv pas testeve të kryera është një qytetar nga Durrësi, i cili ishte shtruar te Trauma një ditë më parë, pasi ishte përfshirë në një aksident.
Pasi iu nënshtrua testeve rezultoi se pacienti është transportuar drejt spitalit Infektiv, i shndërruar në “Covid 1”.
Ministria e Shëndetësisë deklaroi sot se situata te spitali i Traumës ishte nën kontroll dhe ishin marrë masat, ndërsa më pas mësohet nga burime spitalore, se stafi mjekësor prej 10 vetësh, 5 mjekë dhe po kaq infermierë janë të vetëkarantinuar të pritje të testeve për koronavirusin.
1
Etiketa: infermiere, karantinim, mjeke
