Editorial

2.6 ton kanabis akuzojnë Sandër Lleshajn








Bëni LIKE faqen zyrtare në Facebook
               Publikuar në : 11:49 - 04/11/20 |
Mapo.al

Për shkak të zgjedhjeve në Amerikë dhe zhvillimeve dramatike në Vjenë, një ngjarje e pasdites së djeshme në Shqipëri po mbetet pa shumë vemendje. Dhe sigurisht pa transparencë.


2.6 ton kanabis me kamion dhe shofer shqiptar u kapën në shtetin fqinj, në Podgoricë.


Ngarkesa ka kaluar serbes në territorin tonë, në pikat tona kufitare.



Me shumë gjasë, është edhe mall i prodhuar këtu. I mbjellë, i rritur, i korrur, i magazinuar, i amballazhuar në Shqipëri.


Po nuk ka shumë detaje nga hetimet.


Sikur të mos jetë kështu, sikur të ketë ardhur nga ndonjë vend tjetër, sërish, më e pakta ka kaluar në dy pika kontrolli.

Burime mediatike bëjnë të ditur se, dyshimet janë që është bimë narkotike e parcelave tona.

2.6 ton, janë një sasi që denoncon, që ulëret, që akuzon.

As nuk mund të kultivohet, as të transportohet pa dijeninë e një shefi policie. Pa bekimin e një kryetari Bashkie. Pa lehtësimin e ndonjë drejtori të madh në Ministri apo në Policinë e Shtetit.

Dhe për më tepër, kjo sasi që nuk ishte parë e dëgjuar që nga viti i bollëkut, 2016, akuzon drejtpërdrejt Ministrin e Brendshëm, Sandër Lleshaj.

Ky gjeneral, me mburrje ka thënë vazhdimisht se ai e ka shkulur marijuanën nga rrënjët.

Madje u ka predikuar të rinjve që të merren me domate e të mos rrezikojnë kot, se herët a vonë do të kapen.

Ky që u ndal së fundmi, u arrestua në Podgoricë. Pra nuk ra në betejën e fortë të Sandër Lleshajt.

Mund të behen shembull ca fermerë tek tuk me ndoca rrënjë, apo ndonjë trafikant i vogël.

Por kjo sasi e 2.6 tonëve, flet për kapot e vërtetë që e kanë territorin dhe sistemin nën kontroll.

 


Etiketa: , ,

Pas