Dy ditë para mbajtjes së manifestimit të 2 marsit, kreu i shtetit Ilir Meta ka dalë sot në një konferencë me mediat ku ka komentuar edhe deklaratën e Ambasadës Amerikane në Tiranë e cila një ditë më parë dha një mesazh “alert” për qytetarët e saj që jetojnë në Tiranë. Ambasada e SHBA kujtonte se në protestat e kaluara ka pasur akte dhune. Por për kreun e shtetit Ilir Meta për tubimin e të hënës nuk duhet të ketë asnjë shqetësim.
“Zero shqetësim, zero frikë, për manifestimin më paqësor, më demokratik, më gjithëpërfshirës e vetëm kuqezi në 2 mars. Për gjithë qytetarët e shqiptarët që kanë dëshirë e ndiejnë që zëri i tyre duhet të dëgjohet, pasi kushtetuta është dokumenti themeltar i këtij shteti dhe vetëm mbrojtja e saj e garanton unitetin tonë kombëtar e garanton shtetin e së drejtës e të ardhmen evropiane.
Evropianë, amerikanë, pjesëmarrja do jetë e lartë, shumë prej tyre më kanë konfirmuar mua pjesëmarrjen e tyre, kemi problem se duan që edhe zëri i tyre të dëgjohet, se duke jetuar këtu janë të shokuar nga niveli i shkeljes së ligjit dhe mbretërimi i korrupsionit, ne do bëjmë gjithçka që zëri tyre të dëgjohet, të gjithë janë të mirëpritur të ndjekin udhëzimet që ne japim e japim. Nuk është tashmë një sekret që me dhjetra shqiptaro amerikan kanë mbërritur e disa qindra do jenë deri të hënën në drekë, mes tyre edhe shumë personalitete të spikatura për opinionin publik.
Alert ka vetëm për grupin puçist, kush e ndjen vetën puçist është i alertuar, pse? Sepse është thirrur populli”, u shpreh Meta.
LEXO EDHE:
Meta komenton arrestimin e Henri Çilit: Mos u çudisni kur edhe Lubonja apo Zheji…