Aktualitet

3.4 milionë € në “Toyota Yaris”/ Lirohen nga qelia të arrestuarit






Bëni LIKE faqen zyrtare në Facebook
               Publikuar në : 17:02 - 17/01/20 |
mapo.al

Gjykata e Tiranës ndryshon masën e sigurisë për 6 të dyshuarit për 3.4 mln euro, që u gjetën në 2 makina “Toyota Yaris” në Portin e Durrësit.


Nga “Arrest me burg”, Gjykata e ndryshoi masën në “Detyrim paraqitje” për Elvis dhe Alfred Vladin (në kërkim policor), Alban Mollaymerin, Agim Cekajn, Klevi Canin dhe Edi Likën.


Të gjashtë akuzohen për mosdeklarim të të hollave në kufi. Kujtojmë se në muajin qershor të vitit 2018,  janë sekuestruar në dy makina “Toyota Yaris”, 3 milionë e 470 mijë euro.



Kjo çështje ka bërë një ping-pong procedurial. Fillimisht nisi hetimi nga Prokuroria e Durrësit, më pas çështja kaloi te Krimet e Rënda, për sa kohë që ndaj personave të dyshuar rëndonte akuza e pastrimit të parave.


Por, pak ditë para se Krimet e Rënda të shkriheshin me krijimin e SPAK, çështja kaloi te Gjykata e Tiranës, e cila rrëzoi akuzat për grup kriminal.


Për këtë arsye, sot Gjykata e Tiranës vendosi të zbusë masën e sigurisë për personat e dyshuar, duke liruar nga paraburgimi 4 të arrestuarit.


Etiketa: , ,

Pas