Një luftëtar ukrainas, i cili ishte bllokuar brenda fabrikës së çelikut Azovstal në qytetin e Mariupolit, ka ndërruar jetë 3 ditë pasi është martuar.
Çifti shkëmbeu unazat para disa ditësh, ku Valeria dhe i ndjeri Andrii Karpylenko u martuan brenda fabrikës së çelikut më 5 maj.
Për fat të keq, luftëtari ndërroi jetë tre ditë më pas. Bashkëshortja e të ndjerit është zotuar se do të “jetojë për të”.
Këtë lajm e ka bërë të ditur Ministria e Punëve të Jashtme të Ukrainës, ku ka publikuar fotot e momentit të shkëmbimit të unazave simbolike të çiftit.
Disa luftëtarë kanë mbetur të bllokuar në fabrikën Azovstal, ndërsa njëri prej komandantëve kërkoi ndihmë nga Elon Musk për t’i nxjerrë nga izolimi. Ende nuk ka një përgjigje nga miliarderi, nëse ai është i gatshëm të bëjë diçka për t’i ndihmuar që të largohen të sigurt nga lufta.
