Aktualitet

“30 qershori”, Gjykata e Matit dënon 4 persona, Dhurata Çupi: Denime politike














Bëni LIKE faqen zyrtare në Facebook
               Publikuar në : 16:09 - 26/07/21 |
mapo.al

Pas dy vitesh procesesh gjyqësore, Gjykata e Rrethit Gjyqësor Mat mori sot vendimin për 14 personat e akuzuar për prishje të materialeve zgjedhore në KZAZ 16 e 17, në Qershor të vitit 2019.






Këtë të Hënë gjykata ka dënuar 4 persona me punë në komunitet dhe 6 me shërbim prove nga 2 deri në katër vite. 4 persona të tjerë janë dënuar nga gjykata me nga 6 muaj deri në 2 vite e gjysmë burg.


Pas shqiptimit të dënimeve nga Gjykata e Rrethit ka ardhur reagimi i deputetes së Matit, Dhurata Çupi. Në një postim në rrjetet sociale, ajo i quan vendimet e Gjykatës si dënime politike, ndërsa shton se Gjykata Kushtetuese ende nuk është shprehur për ligjshmërinë e 30 qershorit.







Kur ende Gjykata Kushtetuese nuk ka dalë me vendim pēr 30 qershorin e 2019, gjykata e Matit nxiton të dënojë politikisht ata që kërkuan me cdo kusht zgjedhje të barabarta e të lira. Vendimi për të dënuar 14 qytetarë që bënë betejë për demokracinë duke lënë 4 prej tyre në burg, është vendim politik dhe papranueshëm. Drejtësia vepron me padrejtësi ndaj të pamundurve ndërsa mbyll sytë ndaj atyre që bënë zgjedhje moniste”, shprehet deputetja, Çupi.

Lexo edhe :  Automatik dhe kanabis në banesë, shpallet në kërkim 33-vjeçari në Mat





Edhe kryetari i degës së PD në Mat, Arjan Lika e cilësoi këtë vendim si të padrejtë dhe të motivuar politikisht. Ai tha se vendimi i gjykatës do të apelohet pasi protesta ishte e drejtë qytetare.

“Këta njerëz protestuan për zgjedhje të lira e të ndershme. Këta njerëz protestuan për të drejtën për të votuar e zgjedhur. Këta njerëz kërkuan të mbrohet pluralizmi politik i rrezikuar nga bandat e nga regjimi i Edi Ramës. Këta njerëz protestuan se kërkojnë dhe besojnë në ëndrrën 30 vjeçare e një Shqipërie si Evropa“, thotë ai.

***

Në Qershor të vitit 2019 mbështetës të Partisë Demokratike protestuan në të gjithë vendin duke djegur materialet zgjedhore që ishin pranë Komisioneve Zonale të Administrimit Zgjedhor, për të mos lejuar mbajtjen e zgjedhjeve lokale të 30 Qershorit dy vite më parë.

1


Etiketa: , , ,

Pas