Gjatë kohës që të dy ishin pjesë e Real Madrid, Ronaldo dhe Mourinho ishin shumë të afërt me njëri-tjetrin. Nga fundi, kur “The special one” nuk do të qendronte më shumë se një vit, marrëdhëniet mes tyre u ftohën.
Në 164 ndeshje nën urdhrat e Mourinhos, Ronaldo shënoi 168 gola dhe dhuroi 49 asist. Shifra të frikshme. Edhe pas largimit nga Reali, deklaratat e Mourinhos nuk ishin aspak pozitive për yllin CR7. Mirëpo mesa duket diçka ka ndryshuar në mendimin e tij për sulmuesin e Juventusit.
“Ronaldo nuk më surprizon aspak, as ajo që ai bën nuk më befason. Është 34 vjeç, por mbetet një futbollist i madh. Luan për një skuadër me nivel të lartë dhe me ambicie të mëdha. Në terma gjenetik është një rast për t’u studiuar, duhet studiuar edhe në aspektin mental”, u shpreh Mourinho në një intervistë TV channel 11, duke e mbyllur me një batutë: “Pas disa kohësh do të jetë 50 vjeç dhe FIFA do ta ftoj në një ndeshje legjendash. Do të jetë më i miri dhe do të vazhdoj të shënoj”.
Etiketa: Mourinho, Ronaldo
