Qyteti i Kozanit në Greqinë veriore, është mbyllur deri më 29 tetor.
Vendimi i Mbrojtjes Civile të Greqisë vjen në vazhdën e përpjekjeve për të ndaluar përhapjen e koronavirusit.
Zëvendës Ministri i Mbrojtjes Civile, Nikos Hardalias tha se rajoni është në nivelin e “kërcënimit të shtuar”.
Masat përfshijnë përdorimin e detyrueshëm të një maske në të gjitha zonat e brendshme dhe të jashtme, pezullimin e të gjitha tubimeve në hapësirat publike dhe private, si dhe ndalimin e udhëtimit jashtë rajonit.
Përveç kësaj, të gjitha vendet e argëtimit, vendet arkeologjike, muzetë, terrenet e lojërave, dyqanet, palestrat, gjykatat dhe restorantet do të mbyllen.
Shkollat do të vazhdojnë të qëndrojnë të hapura me nxënës dhe mësues të veshur me maska, ndërsa universitetet do të kalojnë në klasa online.
Greqia regjistroi 453 raste të reja të Covid-19 brenda 24 orëve të fundit, numri më i lartë i të prekurve që nga rasti i parë kur regjistrua në vend në fund të shkurtit.
Kjo e rrit numrin e përgjithshëm të rasteve në 23,947.
3,434 konsiderohet se kanë të bëjnë me udhëtime nga jashtë dhe 9,698 kanë të bëjnë me një rast tashmë të njohur.
82 qytetarë janë të shtruar në ambiente spitalore. Mosha e tyre mesatare është 67 vjeç, dhe 24 prej tyre janë gra.
Një total prej 252 pacientësh janë shëruar që nga fillimi i pandemisë në Greqi. Ndërsa numri i të vdekurve në total rezulton 482.
