Drejtori i Kabinetit në Partinë Demokratike, Dorian Teliti ka reaguar me anë të një një statusi në Facebook, ndaj kryeministrit Rama lidhur me Rindërimin e banesave të dëmtuara nga tërmetet e vitit të kaluar në vendin tonë.
Teliti shkruan se Rama ka dështuar totalisht më këtë angazhim të qeverisë të tij pasi, sipas tij, në një vit janë ndërtuar gjithsej 48 shtëpi nga 3,389 të dëmtuara pra 1.4 % e banesave.
Statusi i Telitit:
ER ka dështuar në mënyrë spektakolare me rindërtimin. Asnjë video 3D e konferencës për shtyp nuk e fsheh dot gënjeshtrën dhe mashtrimin për banesat e qytetarëve.
Fakt: 1 vit pas tërmetit, ER ka ndërtuar gjithsej 48 shtëpi nga 3,389 të dëmtuara, 1.4% e totalit.
Në Thumanën e goditur më rëndë nga tërmeti, ER nuk ka ndërtuar ASNJË shtëpi, ASNJË godinë publike.
Treguesi më i drejtpërdrejtë i dështimit me rindërtimin është vendimi i ER në shtator për përgjysmimin e financimit në buxhetin 2020 për fondin e rindërtimit akorduar për FSHZH.
Që banesat e qytetarëve nuk do të ndërtohen këtë vit e tregon qartësisht heqja e fondeve të parashikuara për rindërtimin nga buxheti i këtij viti.
