Aktualitet

“5 qershori”/ Komisioni Europian: Përmbush një nga kushtet kyçe për negociatat














Bëni LIKE faqen zyrtare në Facebook
               Publikuar në : 16:49 - 23/07/20 |
mapo.al

“Përmbush një nga kushtet kyçe për fillimin e negociatave të antarësimit me BE, siç është shpallur edhe në konkluzionet e Këshillit Europian, të datës 25 Mars 2020”.






Kështu deklaron Komisioni Europian pas miratimit të marrëveshjes së 5 qershorit nga parlamenti shqiptar.


Në një deklaratë KE shprehet se “ne kemi mbajtur shënim propozimin shtesë për reformë të sistemit zgjedhor” dhe nxisin të gjitha partitë politike të vazhdojnë diskutimet në Këshillin Politik duke theksuar se procesi i ndryshimeve shtesë, nuk duhet të nxjerrë nga shinat shpirtin dhe rezultatet e 5 Qershorit.







“BE mirëpret miratimin nga Parlamenti të amendamenteve të Kodin Zgjedhor, në përputhje me marrëveshjen politike të aritur në 5 Qershor. Kjo përmbush një nga kushtet kyce për fillimin e negociatave të anëtarësimit me BE, siç është shpallur edhe në konkluzionet e Këshillit Europian, të datës 25 Mars 2020. Parashikimet e reja ligjore, do t’i japin Shqipërisë një kornizë elektorale me standarde me të larta të integritetit dhe transparencës, bazuar në rekomandimet e OSBE-ODIHR.




Ne kemi mbajtur shënim propozimin shtesë për reformë të sistemit zgjedhor. Duke njohur rolin e parlamentit në paraqitjen e ndryshimeve shtesë sa i përket sistemit zgjedhor, ne nxisim të gjitha partitë politike të vazhdojnë diskutimet në Këshillin Politik, me të njëjtin shpirt bashkëpunues dhe gjithëpërfshirës, të demostruar gjatë miratimit të Marrëveshjes politike të 5 Qershorit. Procesi i ndryshimeve shtesë, nuk duhet të nxjerrë nga shinat shpirtin dhe rezultatet e 5 Qershorit”, deklaron Komisioni Europian.



1


Etiketa: , , ,

CLOSE
CLOSE
Pas