Në mënyrë të beftë, pa një lajmërim, apo debat paraprak, Edi Rama ka ndërmarrë disa nisma për korigjime në reformën në drejtësi.
2 muaj përpara zgjedhjeve, PS propozon korrigjimin e kësaj pakete.
Mediat bëjnë të ditur se në Kuvend, janë depozituar dhjetra proprozime si amendamente për ndryshimin e ligjeve kryesore të reformës.
Këto projektligje janë firmosur nga Ulsi Manja, Alket Hyseni, Adnor Shameti dhe Klotilda Ferhati.
Reforma në drejtësi është konsideruar si një temë tabu, dhe e paprekshme.
Edhe Opozita, është shprehur se nuk do të ketë ndryshime kur ajo të vijë në pushtet.
Por kjo lëvizje e fundit duket surprizuese.
Ndryshimet, veçanërisht kërkojnë konsultën e partnerëve SHBA-BE, të cilët janë promotorët kryesorë të kësaj reforme.
Ngelet për t’u parë në vijim, se çfarë synojnë ndryshimet që kërkon të bëjë Edi Rama në drejtësi, 54 ditë para datës së votimit.
