Aktualitet

74-vjetori i lëvizjes së parë antikomuniste, Basha: Betejën për Shqipëri europiane, do ta përfundojmë bashkë














Bëni LIKE faqen zyrtare në Facebook
               Publikuar në : 09:15 - 09/09/20 |
mapo.al

Kryetari i Partisë Demokratike, Lulzim Basha përkujton sot kryengritjen e Postribës, e cila shënon 74-vjetorin e lëvizjes së parë antikomuniste në Shqipëri.






Në një postim në rrjetin social “Facebook”, Basha thotë se Partia Demokratike udhëhiqet nga modeli i qytetërimit dhe dinjitetit, teksa hedh akuza kundrejt qeverisë Rama.


“Ithtarët e diktaturës po tentojnë të na rikthejnë në një regjim ku pushteti politik dhe ekonomia janë përqendruar në pak duar, dhe fati, mirëqenia, punësimi dhe jeta e njerëzve varet nga një grusht njerëzish”, thotë ndër të tjera Basha.







Kryedemokrati garanton se beteja që filloi 74 vite më parë në Postribë për lirinë dhe europianizimin e Shqipërisë, do të pasohet nga qeverisja e tij.



Postimi i plotë në Facebook:



8 shtatori i 1946-s është një ditë e veçantë dhe e nderuar në historinë e Shqipërisë. Ajo shënon nisjen e rezistencës së popullit shqiptar kundër diktaturës dhe përpjekjen mbarëkombëtare për t’u bashkuar me familjen europiane së cilës i përkasim.

Si çdo përpjekje për t’u larguar nga kthetrat e regjimi famëkeq komunist, kryengritja e Postribës shënoi edhe një plagë e dhimbshme në trupin e kombit tonë. Shtypja e saj e përgjakshme nga makineria terroriste e regjimit të Enver Hoxhës, do të mbahet mend gjatë për dhimbjen dhe shkretimin e familjeve të rëndësishme të elitës shoqërore, intelektuale e morale të Shqipërisë, si familjet e Jup Kazazit, Osman Haxhisë, Idriz Tahirit e Abdullah Sahitit.

Lexo edhe :  Përballë Berishës, koha që Basha të bëjë betejën e jetës!

Vetëm në ditët e para të kryengritjes komunistët pushkatuan pa gjyq 28 vetë në Postribë. Pushkatimet dhe përndjekjet u shtrinë edhe në Shkodër, Mirditë, Pukë dhe Malësi të Madhe. Mbi 60 personave u mori jetën regjimi komunist. Dhjetëra të tjerë u dergjën burgjeve dhe lanë eshtrat në galerat e errëta ku u shtrënguan të punojnë të uritur dhe të etur. Mijëra të tjerë vuajtën dënime të padëgjuara me burgim, tortura në hetuesitë e regjimit dhe dhimbje për vitet e vjedhura dhe familjet e humbura një herë e përgjithmonë.

Sakrifica e malësorëve martirë për lirinë e Shqipërisë që sapo kishte hyrë në kapitullin më të errët të historisë së saj, mbetet dhe sot përmasa më e plotë e përpjekjeve të shqiptarëve për të qenë pjesë e pandarë e qytetërimit dhe dinjitetit europian.

Ky model na udhëheq ende, teksa ithtarët e diktaturës, tentojnë të na rikthejnë në një regjim ku pushteti politik dhe ekonomia janë përqendruar në pak duar, dhe fati, mirëqenia, punësimi e jeta e njerëzve varet nga një grusht njerëzish.

Shqipëria nuk do të mund të ecë përpara dhe kokëlartë pa respektuar dhe nderuar ata që u sakrifikuan padrejtësisht për lirinë dhe prosperitetin e saj. Shpreh bindjen se betejën e tyre për ta bërë Shqipërinë europiane, do ta përfundojmë së bashku.

 

1


Etiketa: ,

CLOSE
CLOSE
Pas