Aktualitet

7500 delegatë të PD do të votojnë për të zgjedhur Këshillin Kombëtar














Bëni LIKE faqen zyrtare në Facebook
               Publikuar në : 10:41 - 17/07/21 |
mapo.al

Shtatë mijë e pesëqind delegatë të Kuvendit Kombëtar të Partisë Demokratike mblidhen sot për të votuar Këshillin e ri Kombëtar të kësaj force politike.






Kryesia e selisë blu miratoi dy ditë më parë listën e plotë të kandidatëve me 600 emra, nga të cilët në fund do të zgjidhen 300 anëtarë.


Lista e gjatë e propozimeve të kryedemokratit nuk ka sjellë surpriza, pasi Basha e ka parë të udhës që të dërgojë për votim të gjithë anëtarët e kryesisë dhe ata të Këshillit Kombëtar, përfshi edhe kritikët e tij, Edit Harxhin, ish-sekretarin e përgjithshëm, Arben Ristani, dhe kryetarin e këshillit, Bujar Nishani.







Por ky i fundit për shkak të posteve të larta që ka mbajtur nuk i nënshtrohet votimit duke u zgjedhur automatikisht.



Gjithashtu, sot do të votohen edhe ndryshimet statutore të propozuara nga kreu i demokratëve Basha, të vetmet që morën pëlqimin e kryesisë.



Përmes tyre, Basha synon zgjerimin e kryesisë, Këshillit Kombëtar, shtimin e sekretariateve dhe atë të nënkryetarëve. Kuvendi Kombëtar do të njihet gjithashtu edhe me analizën e humbjes së demokratëve në zgjedhje, që e cilësojnë masakër elektorale.

Lexo edhe :  Ora 18.00, ora e përplasjeve të mëdha

Kuvendi Kombëtar nis mbledhjen në orën 11:00, në ambientet e Pallatit të Kongreseve.

Procesi i votimit hapet në orën 12:00 dhe përfundon në orën 16:00.

Procesi i numërimit fillon në orën 18:00 në selinë qendrore të Partisë Demokratike të Shqipërisë.

Mbledhja e Kuvendit Kombëtar të PD-së do të çelet nga kryedemokrati Lulzim Basha, ndërkohë më pas axhenda parashikon që 19 drejtuesit politikë të mbajnë fjalën e tyre, duke folur nga 10 minuta.

Në kryesinë e dy ditëve më parë, kryedemokrati Lulzim Basha ka porositur drejtuesit politikë që të flasin vetëm për atë që ai e quan masakër zgjedhore të 25 prillit.

Kandidatët për anëtarë të Këshillit Kombëtar

<
>
Anetaret12 Anetaret11 Anetaret10 Anetaret9 Anetaret8 Anetaret7 Anetaret6 Anetaret5 Anetaret4 Anetaret3 Anetaret2 Anetaret1 anetaret

LEXO EDHE: 

Sot Kuvendi Kombëtar – PD ndryshon strukturat në çdo nivel

1


Etiketa: , ,

CLOSE
CLOSE
Pas