Ka mbaruar pak pas orës 6 të mëngjesit seanca maratonë në Kuvend, ku është debatuar dhe në fund është votuar për qeverinë Rama-3.
Në fund, doli se ishin 77 vota pro qeverisë, 53 kundër dhe 1 abstenim.
Duket qartë se disa deputetë nuk kanë qënë të pranishëm.
Opozita diskutoi për gjatë gjithë natës, derisa erdhi momenti i votimit në orën 6 të mëngjesit, ku edhe hodhi votën në kuti.
Në këtë moment u shfaq Rama me qeverinë, dhe kryeministri mori fjalën. Por opozita u largua në shenjë proteste, duke qënë se, siç thanë disa deputetë, ai fjeti gjithë natën dhe nuk e dëgjoi zërin e përfaqësuesve të PD.
Në sallë qendroi vetëm deputeti Dashamir Shehi, pas lutjeve të Ramës, i cili iu drejtua; qendro për respekt.
Nga ky rezultat i votave, duket qartë se Rama ka marrë më shumë se 74, nga sa ka numrin e deputetëve, dhe votë kundër kanë qënë më pak se 59, nga sa është numri i deputetëve të PD.
Por këto detaje me gjasë do të sqarohen sot gjatë ditës.
Etiketa: 53 vota kunder, 77 vota pro, Kuvendi, qeveria e re, Seanca maratone, votimi
