Ministria e Shëndetësisë në Kosovë ka njoftuar se në 24 orët e fundit janë shënuar 9 raste të reja të prekura nga COVID-19.
Po ashtu ajo ka shtuar se janë kryer 284 testime, ndërsa nuk është shënuar asnjë rast i vdekjes.
Në 24 orët e fundit janë dhënë 66 doza të vaksinës kundër COVID-19.
“Prej fillimit të vaksinimit në të gjitha qytetet e Kosovës janë dhënë 1.829.328 doza të vaksinës. Deri më sot 823.188 qytetarë janë vaksinuar me dozën e dytë. Deri më sot janë dhënë 102.818 doza përforcuese dhe doza të treta të vaksinës kundër COVID-19.
Sot janë shëruar 12 qytetarë, derisa numri i përgjithshëm i të shëruarve është 225.182. Në total numri i rasteve aktive është 56”, thuhet në njoftim.
