Aktualitet

9 vjet nga heqja e vizave, Basha: Shqipërinë do e anëtarësojmë në BE





               Publikuar në : 15:12 - 15/12/19 |
mapo.al

Kur shënohen 9 vjet nga hyrja e Shqipërisë në Schengen, zonën e lëvizjes pa viza në vendet e Bashkimit Europian, kryedemokrati Lulzim Basha ka përcjellë një mesazh për qytetarët shqiptarë.


Lideri i opozitës ishte ministër i Brendshëm kur në dhjetor 2010-ë shqiptarët lëvizën për herë të parë pa vizë në BE.



Përmes një videomesazhi në rrjetet sociale, Basha thotë se do të bëjë gjithçka për të mbrojtjur këtë arritje të qytetarëve shqiptarë dhe për të plotësuar shpresat e gjithsecilit prej tyre duke e bërë Shqipërinë anëtare të BE-së.


“Të dashur bashkëqytetarë! Para 9 vitesh, si Ministër i Brendshëm, shoqërova grupin e parë të studentëve dhe të të rinjve shqiptarë që udhëtuan pa viza në Bashkimin Europian. Bashkë, plotësuam një ëndërr, lëvizjen e lirë të shqiptarëve. Sot, dua t’ju uroj të gjithëve dhe t’ju garantoj se do të bëj gjithçka për ta mbrojtur këtë arritje dhe për të plotësuar shpresat dhe dëshirat e gjithsecilit prej jush për Shqipërinë anëtare të Bashkimit Evropian. Ju uroj një të diel të mbarë!”, thotë Basha.


Etiketa: , , ,

CLOSE
CLOSE
Pas