Kjo pyetje ka filluar të bëhet gjithnjë e më shpesh, duke parë se sot, Manchester City arriti fitoren e 20 radhazi. Prej Dhjetorit ata nuk marrë asnjë barazim në kampionat, ndaj edhe udhëheqin të sigurtë Premier Ligën, ku kryesojnë të qetë me 13 pikë përpara.
Po ashtu, djemtë e Guardiolës, kanë performuar shumë mirë edhe në Champions League. Nisur nga këto rrethana, shumë vetë kanë nisur të mendojnë, se ky mund të jetë sezoni i 4 trofeve.
Me 25 prill vjen i pari, ku në finale e EFL Cup, në Wembli, ata presin Totenhemin. Po dukshëm janë një formë superiore ndaj tyre.
Me 20 mars kanë çerekfinalen e FA Cup me Everton, ndërkohë që kanë kaluar fazën e të 16-tave me sukses ndaj gjermaneve të Monchengladbach.
Specialistët e futbollit mendojnë se momentalisht vetëm Bayern Munchen dhe PSG mund ta rivalizojnë ekipin e Guardiolës.
Dhe çka e shton edhe më shumë këtë bindje, është se sot, Manchester City fitoi ndaj West Ham, me 7 zëvendësime, me lojtarë të rinj, duke lënë në stol emra si Sterling, Bernardo Silva, Benjamin Mendy apo Aymeric Laporte, të cilët kushtojnë jo pak, por mbi 300 milionë euro.
Në vitin 2019 kur City ishte sërish në një shkëlqim si në këtë sezon, arritën të marrin 3 trofete në Angli, por dolën jashtë Champions League, u eleminuan nga Totenham.
Vetëm kur trajner ishte Pelegrini, Manchester City arriti të kalonte në çerekfinale në Champions League. Dhe ky duket se është fiksmi i madh i këtij ekipi, pasi nuk ka arritur të ketë kurrë sukses në këtë garë.
Kësaj radhe, duket se shanset janë.
Guardiola është shprehur entuziast për rezultatet më të fundit të ekipit, në këto kohë të vështira për futbollin për shkak të pandemisë.
Etiketa: 4 trofe, Manchester City, pep guardiola
