Arta Dade ishte ndër socialistet e para që shprehu zhgënjimin e saj për mënyrën se si po qeveris Edi Rama. Fillimisht ajo tha se qeverisja e keqe vjen për shkak të drejtimit të keq të partisë.
Më pas Dade, një figurë historike e socialistëve, sulmoi edhe ngjarjet brenda Partisë Socialiste, ku sipas saj “nuk ka garë për të zgjedhur më të mirët”, edhe pse nuk ka keqardhje për mungesën në Parlament nga momenti që “grupi parlamentar i PS-së është më i dobëti ndër vite”.
Ajo tha se Rama po i jep një fytyrë teknike qeverisë për të treguar se është anti-establishment, edhe pse ka 21 vite në pushtet.
Sa i përket Erion Veliajt, Arta Dade tha se Rama është xheloz ndaj tij. Sipas saj, mes tyre ka rivalitet.
Bashkim Fino, një deputet i vjetër i PS, thotë në një intervistë për MAPO-n se ai mbështet Veliajn për rikandidim.
“Unë jam një nga ata që e mbështes Erjon Velinë. Ka bërë gjëra të jashtëzakonshme. E meriton të kandidojë në zgjedhjet e tjera. Kanë folur shumë personalitet të PS-së për këtë. Nuk e kuptoj pse bëhet kjo zhurma në media për kandidimin e tij. Bëhet fare kot ky debat, sepse procesi i diskutimit brenda PS-së do të bëhet njësoj si për bashkitë e tjera”.
Ndërsa sa i përket kritikave të Arta Dades, Fino thotë se e vlerëson mendimin e saj.
“Arta Dade është një nga luftëtarët e vërteta të PS-së, e vlerësoj mendimin e saj. Mund të ketë doza të vërteta dhe besoj se disa gjëra në PS, dhe në kongresin e ardhshëm duhet të ndryshojnë”.
INTERVISTA/ Fino: Nuk jam dakord me të gjitha emërimet e Ramës, por ai është kapiteni i ekipit
