Një prift grek 37 vjeç u arrestua këtë të premte, pasi akuzohet se ka abuzuar seksualisht dhe keqtrajtuar një vajzë të mitur. Vajza shqiptare ka deklaruar në polici se makthi për të ka nisur që në moshën 13 vjeçe dhe ka zgjatur për katër vjet, derisa iu ka treguar prindërve dhe autoriteteve.
Autori shërbente në një kishë në Kato Patisia në Athinë, zonë ku jeton edhe familja me origjinë shqiptare.
Prifti,baba i 3 fëmijëve, ka mohuar akuzat, por autoritetet greke kanë deklaruar se është vërtetuar se 37-vjeçari ka abuzuar.
Në kompjuterin e priftit janë gjetur edhe materiale pornografike. Gjykata vendosi ta lërë priftin në burg, ndërsa po të premten është bërë edhe një denoncim tjetër kundër tij për abuzim.
