Aktualitet

Agron Shehaj nis kontestimet: Vëzhguesit e mi po përjashtohen














Bëni LIKE faqen zyrtare në Facebook
               Publikuar në : 11:30 - 13/06/21 |
mapo.al

Kandidati për kreun e Partisë Demokratike Agron Shehaj ka nisur kontestimet duke thënë se votimet në PD kanë nisur me një standart shumë të ulët demokratik, ndërsa shton se në një pjesë të madhe të qendrave të votimit, vëzhguesit e tij janë duke u përjashtuar dhe po pengohen që të monitorojnë procesin.






Në një postim në Facebook, Shehaj inkurajon të gjithë përfaqësuesit dhe mbështetësit e tij që të japin maksimumin për të mbrojtur votën e demokratëve.


Ky reagim i Agron Shehajt vjen fill pas lajmit se një vëzhguese e tij në njësinë 5 u përjashtua pasi ka krijuar incident, shqetësim dhe trysni.





Dëshmitarët thanë për Mapo, se ajo filmonte votuesit dhe ushtronte trysni në komision. Madje ka shqetësuar edhe banorët e pallatit ku janë zyrat e kësaj dege tek Komuna e Parisit, me britmat e saj.



Statusi i Agron Shehajt në Facebook
“Në degët 5, 10 dhe 15 në Tiranë vëzhguesit e mi janë përjashtuar ose nuk janë lejuar të hyjnë në ambientet e votimit. Procesi i votimit në këto degë po komprometohet rëndë, sepse po zhvillohet pa praninë e vëzhguesve tanë dhe po administrohet nga përfaqësuesit e një kandidati.”



Gjithashtu, ai denoncon se vëzhguesit në terren kanë evidentuar se janë mijëra anëtarë të Partisë Demokratike të cilët janë përjashtuar nga lista e përgatitur nga Komisioni Qendror i zgjedhjeve i PD-së. Kurse në Durrës, sipas Shehajt është shtuar një listë e re votuesish përveç listës që është dërguar nga selia qendrore në Tiranë.

Agron Shehu bën të ditur se ekipi i tij është duke mbledhur fakte e të dhëna për të gjitha shkeljet dhe parregullsitë.

Jemi duke monitoruar më vëmendje gjithë procesin zgjedhor. Inkurajojmë të gjithë përfaqësuesit dhe mbështetësit tanë që pavarësisht parregullsive dhe presioneve, të japin maksimumin për të mbrojtur votën e demokratëve dhe besueshmërinë e Partisë Demokratike.

Lexo edhe :  Krijoi incident në njësinë 5, përjashtohet nga komisioni vëzhguesja e Shehajt

Ne jemi duke mbledhur fakte e të dhëna për të gjitha shkeljet dhe parregullsitë. Fatkeqësisht, më duhet të them se, në një pjesë të madhe të vendeve të votimit vëzhguesit e mi po përjashtohen, po ndalohen apo po pengohen që të monitorojnë procesin.

Në degët 5, 10 dhe 15 në Tiranë vëzhguesit e mi janë përjashtuar ose nuk janë lejuar të hyjnë në ambientet e votimit. Procesi i votimit në këto degë po komprometohet rëndë, sepse po zhvillohet pa praninë e vëzhguesve tanë dhe po administrohet nga përfaqësuesit e një kandidati.

Gjithashtu, në degët e mëposhtme, vëzhguesit e mi të pranishëm po mbahen larg dhe nuk po iu lejohet që të verifikojnë nëse ata që po votojnë kanë të drejtë të votojnë apo jo. Pra nëse janë në lista apo kanë kartë anëtarësie.

Kjo gjë po ndodh aktualisht në degët 2, 7, 12, 16 të Tiranës, në Delvinë, Patos, Devoll, Shkodër, Librazhd, Dibër, Berat. Madje në Devoll dhe Dibër po i lejojnë të votojnë masivisht pa asnjë kontroll.

Vëzhguesit tanë nga terreni kanë evidentuar se janë mijëra anëtarë të Partisë Demokratike të cilët janë përjashtuar nga lista e përgatitur nga Komisioni Qendror i zgjedhjeve i PD-së.

Së fundmi, na njoftuan që në Durrës kanë shtuar një listë të re votuesish përveç listës që është dërguar nga selia qendrore në Tiranë.

Votimet në PD kanë filluar me një standard demokratik shume të ulët. Iu bëj thirrje komisionerëve dhe drejtuesve të partisë të mos i kthejnë zgjedhjet në një farsë elektorale.

Iu bëj thirrje demokratëve të thjeshtë që të luftojnë për votën e tyre dhe të mos lejojnë askënd që t’u heqë të drejtën për të votuar.

LEXO EDHE:

Krijoi incident në njësinë 5, përjashtohet nga komisioni vëzhguesja e Shehajt

43


Etiketa: , ,

Pas