Sulmuesi i Manchester City, Sergio Aguero, është shqetësuar jo pak pas publikimit të një interviste të tij këtë të martë, ku ndër të tjera argjentinasi deklaronte: “Mendoj se për të fituar Topin e Artë duhet të jesh në finalen e Champions League, me çdo kusht”.
Menjëherë pas deklaratës që bëri xhiron e rrjetit Aguero postoi një mesazh të shkurtër në Twitter, ku përgënjeshtron një frazë të tillë, ndërsa sqaron se për të ka vetëm një fitues në garën për Topin e Artë dhe ai është gjithnjë Messi.
I don’t enjoy having to clarify my statements – but when I’m quoted for things I haven’t said, it must be done. I’ll spell it out then. No one other than Messi will be my pick for the Balon d’Or as long as he keeps on playing – particularly if he plays like he did this season.
— Sergio Kun Aguero (@aguerosergiokun) May 14, 2019
“Nuk më pëlqen të sqaroj deklaratat e mia, por kur raportohen gjëra që nuk i kam thënë, më duhet ta bëj. Do ta them hapur, atëherë. Askush tjetër veç Messit nuk do jetë zgjedhja ime për Ballon d’Or, për sa kohë ai do vazhdojë të luajë futboll – sidomos nëse luan si këtë sezon”.
Aguero është mik i ngushtë me Messin, përveçse luan në kombëtare me të prej më shumë se një dekade.
Etiketa: Aguero, Manchester City, mashtrime, Messi
