Pas mbledhjes së Qeverisë, zv/kryeministri Arben Ahmetaj ka dalë një prononcim për mediat ku ka zbardhur vendimet e qeverisë.
I pyetur për rritjen e çmimit të energjisë për biznesin e mesëm e të madh Ahmetaj tha se kryeministri ishte shumë i qartë në 3 pikat e tij, ku për pjesën tjetër ka një reformë dhe do të vazhdohet ashtu sikurse ka qenë planifikuar, duke mos sqaruar se çfarë do të ndodhë konkretisht.
“Kryeministri ishte shumë i qartë në 3 pikat e tij. Për pjesën tjetër ka një reformë dhe do të vazhdohet ashtu sikurse ka qenë planifikuar, për familjarët dhe bizneset e vegjël nuk do të ketë rritje të çmimit të energjisë elektrike. Ne po punojmë për furnizim të pandërprerë.
Qytetarët që do të përfitojnë apartamente ose njësi do të jenë përballë shortit publik. Të gjitha familjet do të jetë përballë një procesi transparent. Prandaj qytetarët do të jenë të qetë për ato që i takon. Po ashtu Shqipëria ka dalë në tregun ndërkombëtar në javët dhe muajt që vijnë.
Sot janë rreth 25 shkolla që kanë mbaruar dhe ato që bëhen me buxhetin e shtetit, janë drejt mbarimit, jemi duke folur me OSHEE-së për një marrëveshje për energji për apartamente dhe shkolla. E njëjta gjë vlen edhe për shkollat që nuk kanë energji. Pajisja me mobilje dhe teknikën e nevojshëm, është një gjë që e ndjekin njësitë zbatuese“, u shpreh Ahmetaj.
