Një aksident ka ndodhur këtë mbrëmje në aksion rrugor Mamurras-Thumanë.
Burime bëjnë me dije se në aksident janë përfshirë 3 makina.
Për pasojë, janë plagosur tre persona.
Mësohet se të plagosurit janë dërguar me urgjencë drejt spitalit të Traumës në Tiranë.
Sipas raportimeve zyrtare, gjendja e tyre është jashtë rrezikut për jetën.
Njoftimi i Policisë
Në aksin e vjetër Mamurras- Thumanë, në vendin e quajtur “Kryqëzimi i Adriatikut ” ,janë përfshirë në aksident rrugor 3 automjete , ku si pasojë kanë marrë dëmtime 3 shtetas, të cilët janë dërguar në spitalin e Traumës, Tiranë dhe ndodhën nën kujdesin mjekësor, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
