Një aksident i rëndë ka ndodhur këtë të mërkurë në Rrugën e Kombit.
Sipas informacioneve paraprake, në autostradën Kalimash-Morinë, në vendin e quajtur “Shkodra Beton”, një mjet tip “Golf”, ka dalë nga rruga.
Për pasojë ka humbur jetën 1 person. Viktima ende nuk është identifikuar.
Gjithashtu, janë plagosur 2 persona të tjerë, të cilët ndodhen në spitalin e Kukësit, nën kujdesin e mjekëve. Mësohet se gjendja e tyre shëndetësore është e rëndë.
Policia ndodhet në vendin e ngjarjes për zbardhjen e rrethanave të aksidentit.
