Ka mjaftuar një aksident dhe në autostradën Tiranë-Durrës janë krijuar radhë të gjata automjetesh.
Në zonën e Maminasit, janë me qindra automjete të cilat po presin që të lëvizin në drejtim të Tiranës.
Koha e mirë dhe temperaturat e larta kanë bërë që me mijëra qytetarë të preferojnë të kalojnë fundjavën jashtë kryeqytetit. Por një aksident i ndodhur në këtë auostradë ka bërë që kalimi i automjeteve të bëhet me vështirësi, duke sjellë mjaft probleme jo vetëm për qytetarët, por edhe për mjetet e urgjencës.
