Një aksident ka ndodhur këtë mbrëmje në Shkodër. Sipas informacioneve paraprake, një automjet ka humbur kontrollin dhe për pasojë është plagosur drejtuesi i mjetit.
Burime zyrtare nga policia bëjnë me dije se 32-vjeçari është transportuar në spital për të marrë ndihmë mjekësore.
Identiteti i të riut ende nuk bëhet me dije por mësohet se ndodhet jashtë rrezikut për jetën. Policia dhe grupi hetimor ndodhen në vendngjarje pë të zbardhur rrethanat dhe shkaqet e aksidentit.
Njoftimi i policisë:
Shkodër/ Informacion Paraprak
Më datë 19.02.2020, në orën 17:45, në fshatin Rrenc, Njësia Administrative Guri i Zi, Shkodër, mjeti tip Mercedez-Benz, që drejtohej nga shtetasi E. H. 32 vjeç, banues në Vrakë, Malësi e Madhe, si pasojë e humbjes së kontrollit ka dalë nga rruga duke u përplasur me një pemë, për pasojë është dëmtuar drejtuesi i mjetit i cili është dërguar në Spitalin Rajonal Shkodër, nën kujdesin e mjekëve. Veprimet po kryhen me grup hetimor për sqarimin e rrethanave të aksidentit.
