Një aksident i rëndë ka ndodhur mbrëmjen e djeshme në aksin rrugor Korçë-Devoll, në kryqëzimin e fshatit Plasë. Dy mjete janë përplasur, duke lënë pas 4 të plagosur.
Sipas BW, pasagjerja Jehona Elmasllari ndodhet në gjendje kritike për jetën. Ajo është nisur me helikopter drejt Spitalit të Traumës në Tiranë.
Ngjarja ndodhi në aksin nacional Korçë-Bilisht në kryqëzimin e fshatit Plasë rreth orës 19:45 ndërsa në të u përfshinë një mjet tip Toyota me drejtues Besnik Cakollari dhe një mjet tip Renault me drejtues Jetnor Lumani.
Goditja e mjeteve ka qenë aq e fortë saqë edhe nxjerrja e të plagosurve nga mjetet ka qenë e vështirë duke u dashur edhe ndërhyrja e mjeteve zjarrfikës.
Policia tha se ka arrestuar në flagrancë Jetnor Lumani, 51 vjeç, banues në Korçë, pasi ka qenë duke drejtuar në gjendje të dehur mjetin tip “Renault”, i cili është përplasur me mjetin tip “Toyota”.
Sipas Policisët, të plagosur kanë mbetur drejtuesi i mjetit tip “Toyota” shtetasi B. C; pasagjeri i mjetit tip “Renault” shtetasi A. M., 58 vjeç, banues në Korçë, të cilët ndodhen jashtë rrezikut për jetën. 17 vjeçarja Jehona Elmasllari, banuese në Pogradec, pasagjere në mjetin tip “Toyota”, ndodhet në gjendje të rëndë shëndetësore.
