Policia kroate ka publikuar të tjera detaje nga aksidenti tragjik që u mori jetën 10 personave.
Sipas tyre, shoferi kosovar është vendosur në burgun Pozega, ndërsa është zbardhur plotësisht identiteti i 10 viktimave.
Policia tha se shoferi 52-vjeçar është dënuar me 30 ditë paraburgim. Kurse avokati i shoferit, Ljubo Pavasoviç Viskoviç, tha se tre dëshmitarë janë marrë në pyetje për aksidentin.
“Këto janë çështje sekrete. Nuk na lejohet të flasim”.
I pyetur nëse është e vërtetë se shoferi ishte në gjumë, ai tha se ky është një dezinformim.
“Duket se është përhapur një keqinformim. Ai nuk ka thënë asgjë deri më tani. Klienti im është i tronditur nga tragjedia dhe ka qëndruar në heshtje. Nuk mund të flas për mënyrën se si do e mbrojmë veten ne”, tha ai.
