Aktualitet

Aktivitetet për 11 dhjetorin, PD dhuron fondet për të prekurit nga tërmeti





               Publikuar në : 20:56 - 10/12/19 |
mapo.al

Nëpërmjet një postimi në faqen zyrtare në ‘Facebook’, Partia Demokratike e Shqipërisë, ka vendosur të anulojë aktivitetet e parashikuara për 11 dhjetorin, ditën e themelimit të Partisë Demokratike.


PD njofton se të gjitha fondet e përcaktuara për këto aktivitete do të shkojnë për banorët e prekur nga tërmeti i 26 nëntorit.



Postimi i plotë


Aktivitetet e planifikuara për 11 dhjetorin, ditën e themelimit të Partisë Demokratike janë anulluar, dhe të gjitha fondet e përcaktuara për këto aktivitete se bashku me kontribute të anëtarëve dhe simpatizantëve të saj do të shkojnë në ndihmë të personave të goditur nga tërmeti i 26 Nentorit.

Solidariteti me të dëmtuarit nga tërmeti dhe mbështetja maksimale për ta është mënyra më e mirë për të përkujtuar data të rëndësishme që shënojnë ngjarjet e Dhjetorit 1990, nga Lëvizja Studentore tek shpallja e pluralizmit dhe lindja e Partisë Demokratike.

Që prej tërmetit të 26 nëntorit Partia Demokratike ka anulluar disa aktivitete kombëtare per t’ju përkushtuar me të gjitha mundësitë dhe burimet e saj njerëzore situatës pas tërmetit në terren pranë njerëzve në emergjencë.

Më herët Partia Demokratike anulloi aktivitetet për 28 nëntorin, kreu i demokratëve anulloi vizita te parashikuara jashtë vendit ndërsa në Ditën e Rinisë me 8 dhjetor, të rinjtë e Forumit Rinor e kthyen në ditë solidariteti duke mbledhur dhe shpërndarë ndihma për familjet e goditura nga tërmeti.


Etiketa: , , , ,

CLOSE
CLOSE
Pas