I akuzuar si pjesëtar i bandës së Durrësit dhe pjesëmarrës në vrasjen e Vajdin Lames dhe Klodian Saliut, Indrit Taullau është ekstraduar ditën e sotme nga Kosova drejt Shqipërisë.
Prokuroria e SPAK e akuzon Taullaun si një nga organizatorët e dy atentateve të bujshme.
Ai u arrestua në një qendër tregtare në Prizren, pas urdhër-arrestit të lëshuar nga SPAK dhe të ekzekutuar nga Interpoli.
Më 2 dhjetor të 2020-s, Gjykata e Posaçme vendosi për Taullaun masën “Arrest në burg” për veprat penale vrasje me paramendim të kryer në bashkëpunim, vrasje ndaj dy ose më shumë personave, mbajtje të paligjshme armësh zjarri dhe grup të strukturuar kriminal.
