Komisioni Europian ka reaguar ditën e sotme pas padisë që Aleanca për Mbrojtjen e Teatrit Kombëtar bëri në SPAK ndaj ambasadorit të BE në Tiranë, Luigi Soreca.
Në një deklaratë të shpërndarë për mediat, KE pretendon se akuzat ndaj Sorecës janë të pabaza, ndërsa shton se në Shqipëri është nisur një fushatë drejtuar kundër delegacionit të BE.
Ambasadori Soreca do të vijojë punën e tij dhe liderët e BE kanë besim tek ai, vijon reagimi i KE.
Reagimi i plotë
“Duket se ka një fushatë të drejtuar kundër delegacionit të BE në Shqipëri, dhe më duhet të them se akuzat janë të pabazuara. Liderët e BE kanë besim tek ambasadori Soreca dhe punën që ai po bën në Shqipëri”.
***
Përfaqësues të Aleancës për Teatrin akuzojnë ambasadorin Soreca se u rreshtua në krahun e atyre që shembën Teatrin Kombëtar. Shkak u bë një deklaratë e ambasadorit të BE i cili tha disa javë më parë se çështja e Teatrit u politizua.
Aleanca për Teatrin e quajti deklaratën e ambasadorit të BE të dëmshme dhe të panevojshme duke theksuar se Soreca po mbështet një procedur që, sipas tyre, është e paligjshme dhe korruptive.
Gjithashtu, Aleanca reagoi ashpër edhe pas një takimi që Luigi Soreca zhvilloi me kryetaren e Gjykatës Kushtetuese, Vitore Tushe, duke e konsideruar këtë si tentativë për intimidimin e kësaj gjykate, teksa pritej vendimi për Teatrin.
Gjykata Kushtetuese u shpreh duke rrëzuar ligjin special dhe kalimin e pronësisë të truallit të Teatrit te Bashkia e Tiranës, ndërsa rrëzoi kërkesën e ankimuesve që parashikonte shpalljen të antikushtetues të vendimit të Këshillit Bashkiak që solli rrëzimin e Teatrit.
Ndërsa një ditë më parë, Aleanca paditi Sorecën në SPAK, ndërsa i bënë thirrje presidentit Meta dhe ministres së Jashtme, Xhaçka, që ta dëbojnë.
LEXO EDHE:
“Teatri”-Aleanca padit në SPAK Sorecën: Meta e Xhaçka ta shpallin “non grata”
Teatri/ Soreca: Çështja u politizua, nevojitet konkurrencë e lirë
“Teatri”-Aleanca padit në SPAK Sorecën: Meta e Xhaçka ta shpallin “non grata”
