Aktualitet

Akuzat e Bashës – Komiteti i Ekspertëve: S’jemi fasadë e askujt, tërhiqu nga baltosja








Bëni LIKE faqen zyrtare në Facebook
               Publikuar në : 14:22 - 31/10/20 |
mapo.al

Komiteti Teknik i Ekspertëve i kundërvihet akuzave për dështim në menaxhimin e Covid-19, dhe i bën thirrje kryedemokratit Lulzim Basha të tërhiqet prej tyre.



Në një letër të hapur, Komiteti shprehet se nuk i pranojnë akuzat e kryedemokratit Basha, për vetë faktin se përgatitja e tij profesionale nuk i mundëson gjykim objektiv.


“Ne nuk jemi fasadë e askujt, siç deklaron Z.Lulzim Basha. Ne nuk pranojmë akuzat për dështim në punën tonë, të bëra nga një kryetar partie, formimi profesional i të cilit nuk ka se si t’ia lejojë të bëjë gjykime në lidhje me punën e këtij komiteti”, shkruhet në letër.



Komiteti Teknik i Ekspertëve thekson se në çdo ditë të punës së tyre, janë udhëhequr vetëm nga parimet e profesionalizmit, dhe se vendimet janë marrë duke u bazuar vetëm në këto parime.



“Ne mendojmë se strategjia që kemi ndjekur deri më sot, ia ka dalë të minimizojë numrin e infeksioneve dhe fataliteteve të shkaktuara nga koronavirusi, gjë që e tregojnë fare qartë edhe shifrat krahasuese me vendet e rajonit, dhe ato të Evropës”, shkruhet më tej në letër.


Fjala e plotë e Komitetit Teknik të Ekspertëve:

Me keqardhje dhe indinjatë të thellë, dëgjuam akuzat e bëra ndaj nesh nga ana e Kryetarit të Partisë Demokratike, Z. Lulzim Basha.

U bë kohë që përveç përballimit të një situate shumë të vështirë, siç është ajo e pandemisë së Covid-19, jemi gjendur të sulmuar dhe të fyer në punën tonë, duke filluar nga kryetari i PD dhe disa pak politikanë të tjerë.

Ne, anëtarët e Komitetit Teknik të ekspertëve, jemi profesionistë të fushës sonë dhe sot, jemi pjesë e këtij Komiteti, të ngritur në zbatim të Ligjit mbi Epidemitë, për t’i shërbyer qytetarëve shqiptarë në këtë kohë tejet sfiduese

Ne nuk jemi “fasadë” e askujt, siç deklaron Z. Lulzim Basha. Ne nuk pranojmë akuzat për dështim në punën tonë, të bëra nga një kryetar partie, formimi profesional i të cilit nuk ka se si t’ia lejojë të bëjë gjykime në lidhje me punën e këtij komiteti.

Në çdo ditë të punës sonë, ne udhëhiqemi vetëm nga parimet e profesionalizmit dhe çdo vendim që kemi marrë, e kemi marrë duke u bazuar vetëm në këto parime.

Ne mendojmë se strategjia që kemi ndjekur deri më sot, ia ka dalë të minimizojë numrin e infeksioneve dhe fataliteteve të shkaktuara nga koronavirusi, gjë që e tregojnë fare qartë edhe shifrat krahasuese me vendet e rajonit, dhe ato të Evropës.

Siç është shprehur edhe kreu i Organizatës Botërore të Shëndetësisë, përdorimi politik i pandemisë i shërben vetëm përkeqësimit të situatës dhe është i dëmshëm për mbrojtjen e shëndetit publik.

I bëjmë thirrje Z. Basha që të tërheqë akuzat e bëra në adresë të anëtarëve të Komitetit Teknik të Ekspertëve, të heqë dorë nga përpjekja për baltosjen e punës së autoriteteve shëndetësore, që në këto kohë të pandemisë po bëjnë një sakrificë të jashtëzakonshme.

1


Etiketa: , ,

CLOSE
CLOSE
Pas