Deputeti i PS, Erion Braçe ka mohuar se rezulton të jetë në dosjen e përgjimeve për Rezart Taçin, i cili është shpallur në kërkim nga SPAK për pastrim parash.
Duke iu përgjigjur akuzës së deputetit të PD-së, Ervin Salianjit, Braçe u shpreh se nuk ka komunikuar kurrë me biznesmenin Taçi dhe se nuk ka shkelur kurrë as në televizionin e tij.
“Në këtë sallë ka shpifës të dënuar nga Gjykata. Madje jo shpifës por komplotues. Dokumentin e përgjimit të Rezart Taçit unë e kam në dorë. Dokumenti mban datën 18 tetor 2021. Në atë kohë nuk kam qenë zv.kryeministër. në këtë sallë ka njerëz që paguhen për të shpërndarë akuza. Do t’ua provoj që paguhen me para cash. Ose kam folur unë për Armon, ose nuk ka folur njeri në këtë sallë. Jo vetëm që kam folur, por kam denoncuar edhe në prokurori. Mua dhe Rezart Taçin na ndan një oqean shumë i madh. Unë nuk kam folur kurrë me Rezart Taçin. Nuk kam shkelur kurrë në televizionin e Taçit”, tha Erion Braçe.
Pak minuta më parë, ishte deputeti i PD, Ervin Salianji, i cili denoncoi se Erion Braçe ka dalë nga përgjimet për çështjen e biznesmenit Rezart Taçi.
Pjesë nga debati
Erion Braçe: Etika në këtë sallë mori fund ditën kur i gjithë mllefi u derdh mbi një fletë votimi ku ishte emri i një grua. Ja si mori fund etika atë ditë. Se sa i shqetësuar jam unë për bujqit e di unë, në këtë sallë ka shpifës të dënuar nga gjykata. Në 18 tetor 2021 nuk kam qenë zv kryeministër . Në këtë sallë ka njerëz që paguhen për të shpërndarë akuza, do ua provoj që paguhen me cash, këto histori me lojëra luftash përfundojnë te dita e pagesës cash, o e kam denoncuar unë Armo, mes të cilave ngjarje tragjike,kam kallëzuar në prokurori, një prokuror e mori dosjen dhe e fshiu dosjen, o s’ka fol njeri këtu. Mua dhe Taçin na ndan një oqean i tërë, s’kemi fol kurrë , nuk kemi shkëmbyer asnjëherë asgjë, s’kam shkelur kurrë në televizionin e tij, ka fytyra këtu që ka qenë.
Ervin Salianji: Nuk e di pse të djeg kaq shumë, a është zv/kryeministri në përgjime apo jo, duhet parë, mos bëni si e shenjta Mari. Meqë jeni për gjykatë. Ju doni të largoni vëmendjen duke bërë zhurmë, se ku shkojnë paratë e buxhetit të shtetit.
Etiketa: Erion Braçe, Ervin Salianji, Rezart Taçi
