Shefja e spitalit Infektiv, Najada Çomo, deklaroi sot se është rritur numri i të rinjve të prekur nga Covid-19.
Në tryezën e mbledhjes së Komitetit të Ekspertëve, Çomo tha se ka një shtim të numrit të rasteve pozitive të shtruara në spitale, e gjithashtu një shtim të numrit të moshave të reja (15-24 vjeç).
Ajo theksoi se nuk bëhet fjalë për pacientë që gëzojnë sëmundje bashkëshoqëruese.
“Do të punojmë me çdo kusht, deri tek pacienti i fundit, por qytetarët duhet të na mirëkuptojnë ne”, – u shpreh shefja e Infektivit teksa apeloi për një bashkëpunim më të madh nga ana e qytetarëve për respektimin e masave anti-Covid.
Risjellim në vëmendje se tre ditë më parë ndërroi jetë nga koronavirusi një 35-vjeçar. I shtruar prej disa ditësh në spitalin Covid-2, Qazim Berisha nuk i bëri dot ballë virusit vdekjeprurës.
LEXO EDHE:
U intervistua dje për simptomat – 35 vjeçari ndërron jetë tek Covid2
Etiketa: Najada Çomo, Pandemia COVID-19, te rinj me koronavirus, Video
