Aktualitet

Albin Kurti: Filloi epoka kur Serbia nis e mësohet me reciprocitet














Bëni LIKE faqen zyrtare në Facebook
               Publikuar në : 14:36 - 30/09/21 |
mapo.al

Kryeministri i Kosovës, Albin Kurti ka reaguar menjëherë pas arritjes së marrëveshjes mes dy vendeve për të qetësuar tensionet në veri.






Më anë të një postimi në Facebook, Kurti thotë se tani fillon epoka kur Serbia nis të mësohet me reciprocitet.


Kurti shprehet se pavarësisht se Presidenti i Serbisë vuri katër kushte për takimin në Bruksel të përfaqësuesve tanë, ato nuk iu plotësuan.







“Reciprociteti i targave të automjeteve është vendosur. Meqë targave të Republikës së Kosovës në Serbi do t’iu mbulohet simboli shtetëror, të gjitha targave të Serbisë pa dallim do t’iu mbulohet po ashtu simboli i tyre në territorin e shtetit tonë.




Njësia Speciale e Policisë së Kosovës ka shkuar në Jarinje dhe Bërnjak më 20 shtator për të mbrojtur vendkalimet dhe policinë kufitare nga bllokuesit e rrugëve dhe qarkullimit të lirë.



Meqë ata do të largohen, njësia jonë speciale nuk ka pse qëndron atje, dhe mbetet gjithnjë e gatshme për ndërhyrje në çfarëdo cenimi të njëjtë apo të ngjashëm në të ardhmen.

Natyrisht, policia jonë kufitare në vijim do të zbatojë reciprocitetin e targave. KFOR-i do të qëndrojë aty, rreth dy javë, që gjithçka të jetë e sigurt.

Në javën e shkuar, Presidenti i Serbisë vuri katër kushte për takimin në Bruksel të përfaqësuesve tanë. Natyrisht që nuk ju plotësuan ato dhe dje u zhvilluan bisedimet në Bruksel. Tash fillon epoka kur Serbia nis e mësohet me reciprocitet”, shkruan Albin Kurti.

1


Etiketa: , , , , ,

CLOSE
CLOSE
Pas