Kryetari i Grupit Parlamentar, Enkelejd Alibeaj bëri publike sot dy emrat që Partia Demokratike do të çojë në Kuvend për Avokat të Popullit.
Në një deklaratë për mediat, Alibeaj tha se, një nga aftësitë e vlerësuara nga PD-ja vlerësuam ishte pastërtia e figurës, por edhe aftësinë profesionale.
“Në një përzgjedhje të pozicionit të Avokatit të Popullit kemi pasur edhe një lloj sqime që përmes pozicionit tonë të japim sinjale të forta për mënyrën se si duhet të zgjidhejn drjetuesit e institucioneve më të larta. Një nga aftësitë që ne vlerësuam ishte pastërtia e figurës, por edhe aftësinë profesionale. Kemi vendosur që emrat të mos kenë lidhje me sigurimin e shtetit dhe periudhën komuniste. Të mos kenë as më të voglën hije dyshimi lidhje me të shkuarën. Në përzgjedhjen tonë i kemi qëndruar edhe kriterit të luajalitetit politik”, tha Alibeaj.
Ai tregoi se, dy kandidatët të cilët do t’i nënshtrohen procesit të votimit janë Ledio Braho dhe Dorian Gjomarkaj.
“Njerëzit që kemi analizuar dhe shqyrtuar dokumentacionin, i kemi parë edhe luajalitetin politik. Grupi i PD arriti në mënyrë unanime që të fokusohet në dy emra: Ledio Braho dhe Dorian Gjomarkaj. Në grupin e PD zhvilluam disa raunde analize dhe votimi. Në përfundim të këtij mekanizmi ju deklaroj se preferenca e grupit të PD është zoti Ledio Braho”, tha Alibeaj.
