Ambasada gjermane në vendin tonë njofton se, duke nisur që nesër do të hiqen kufizimet e udhëtimeve hyrëse.
Sipas saj, tashmë nuk është më e nevojshme paraqitja e një dëshmie vaksinimi, shërimi apo testimi anti-covid.
“Prej ditës së shtunë, datë 11.06.2022, ora 00:00, hiqen përkohësisht të gjitha kufizimet e udhëtimeve hyrëse drejt Gjermanisë. Që prej këtij momenti udhëtimet hyrëse nga Shqipëria drejt Gjermanisë janë sërish të lejueshme për të gjitha qëllimet (edhe për turizëm dhe vizita). Për udhëtimet hyrëse drejt Gjermanisë nuk është më e nevojshme paraqitja e një dëshmie vaksinimi, shërimi apo testimi”, thuhet në njoftim.
